Mahal naming ACredit app users!

Maraming salamat sa pagpili sa Alalay sa Kaunlaran Microfinance Social Development, Inc. o mas kilala sa tawag na ASKI upang ikaw ay pagsilbihan.

Bago mo ipagpatuloy ang pagregister sa ACredit app, maaari lamang na unawain ang terms and condition na nakapaloob sa kasunduan na ito dahil ang pagregister sa ACredit app ay nangangahulugan na ikaw ay sumasang-ayon sa lahat ng nakasaad sa kasunduan na ito.

Last Updated: 05/05/2025

Layunin ng kasunduan na ito na maipaalam at lubos na maunawaan ng ACredit application users ang mga alituntuning nakapaloob sa pagsapi at pagkuha ng mga programa at serbisyo sa ASKI.

I. Eligibility

Ikaw ay maaaring mag apply ng loan gamit ang ACredit app kung iyong taglay ang lahat ng mga sumusunod:

• Ikaw ay hindi bababa sa 18 taong gulang,
• Ikaw ay may negosyo o nagnanais na magkaroon ng kapital sa negosyo at
• Ang iyong lokasyon ay saklaw ng serbisyo ng ASKI na matatagpuan sa Region 1, 2 at 3.

II. Information we collect

Sa paggamit ng ACredit application, ikaw ay nagbibigay pahintulot sa Alalay sa Kaunlaran Microfinance Social Development, Inc. (ASKI) na kolektahin, gamitin at iproseso ang iyong mga personal na impormasyon na irerequire ng ACredit app. at sa iba pang forms na may kaugnayan sa pagiging kliyente o miyembro sa ASKI.

III. How we use your information

Ang iyong personal na impormasyon ay gagamitin sa mga sumusunod na layunin, alinsunod sa Data Privacy Act ng 2012.

1. Para sa pagproseso ng iyong aplikasyon,
2. Para sa pangangasiwa ng mga dokumento hinggil sa iyong aplikasyon,
3. Para sa pagbibigay serbisyo at suporta sa iyo bilang miyembro,
4. Para sa pagsusuri ng datos upang mapabuti ang serbisyo, at
5. Para ipaalam sa iyo ang pinakabagong updates, programa at serbisyo, mga kaganapan, na may kinalaman sa iyo bilang miyembro.

IV. Data Subject Rights/Karapatan ng ACredit App users

Bilang miyembro ng ASKI, ikaw ay may karapatan na:

• Malaman kung saan ginagamit ng ASKI at kung paano iniingatan ng ASKI ang iyong personal na impormasyon,
• Humingi ng kopya ng iyong personal na impormasyon na mayroon ang ASKI na hindi available sa ACredit app at naaayon sa pahintulot ng batas, sa paraan o wika na iyong nauunawaan.
• Ipatigil ang pagpapadala ng promotional materials sa pamamagitan ng SMS o email kung mayroon man, o ipatigil ang pagbabahagi ng iyong personal na impormasyon sa mga partners, affiliates, business units at departments maliban na lamang kung ito ay mandato ng batas na may kinalaman sa aking pagiging miyembro.
• Bawiin ang iyong pahintulot o ipabura ang iyong personal na impormasyon sa database ng ASKI kung ito ay sinasang-ayunan ng batas at
• Itama o i-update ang iyong personal na impormasyon na nasa pangangalaga ng ASKI.

V. Data Protection

Upang maproteksyonan ang iyong personal na impormasyon, sinisiguro ng ASKI ang mga sumusunod:

1. Ang paggamit ng iyong personal na impormasyon ay naaayon sa RA 10173 o mas kilala bilang Data Privacy Act of 2012.
2. Humingi ng kopya ng iyong personal na impormasyon na mayroon ang ASKI na hindi available sa ACredit app at naaayon sa pahintulot ng batas, sa paraan o wika na iyong nauunawaan.
3. Siguruhin na ang ACredit app ay naaayon at walang nilalabag na batas.

Bagamat ang ASKI ay gumagawa ng hakbang upang siguraduhin ang seguridad ng iyong personal na impormasyon, ang bawat ACredit app users ay inaasahan din na maging responsable sa pagpapanatili ng kaligtasan ng sariling personal na impormasyon gaya ng pagsunod sa mga alituntunin na ito:

1. Siguraduhin na ang iyong email address na ireregister sa ACredit app ay personal at hindi na-aacess ng iba dahil ito ay maaaring gamitin upang i-recover ang iyong account at magamit sa maling pamamaraan. Pakatandaan na ang ASKI ay walang kakayahan na irecover ang iyong account, tanging ang may access lamang ng iyong recovery email ang makakagawa nito.
2. Ingatan ang iyong username at password dahil maaari itong magamit sa hindi awtorisadong pag access.
3. Huwag gumamit ng password na madaling ma-access ng iba katulad ng iyong birthdate at iba pang personal na impormasyon na available sa iyong social media.
4. Siguraduhin na ang iyong personal na impormasyon na ibabahagi sa ASKI ay kumpleto, totoo at updated upang maiwasan ang anumang problema sa transaksyon.
5. Tiyakin na mag sign -off o log out pagkatapos gamitin ang iyong account.
6. Siguraduhin na secure ang internet connection na gagamitin sa pag-access ng ACredit app.
7. Huwag ibibigay ang username at password ng ACredit app at ng iyong recovery email sa kahit sino maging ito ay empleyado ng ASKI o hindi. Ang ASKI ay hindi kakailanganin ang iyong username at password para iproseso ang iyong aplikasyon.
8. Maging maingat sa link na available sa social media na maaring magdulot ng virus sa iyong cellphone.
9. Iba pang hakbang na sa tingin mo ay makakatulong sa seguridad ng iyong sariling personal na impormasyon.

Ang alinmang financial loss or damage dahil sa hindi pagsunod sa mga alituntunin ay hindi pananagutan ng ASKI.

VI. Sharing your information

Ang iyong personal na impormasyon ay aming ibinabahagi ng ASKI sa mga partners, affiliates, business units ng ASKI na may kasiguraduhan na ang iyong personal na impormasyon ay pangangalagaan at hindi ibebenta sa ibang kumpanya.

Bilang pagsunod sa batas tulad ng RA no. 9160 “Anti-money Laundering Act of 2001” at iba pang kawani ng gobyerno tulad ng Securities and Exchange Commission at Bureau of Internal Revenue kami ay may mandato na ibahagi ang iyong personal na impormasyon.

Gayundin, alinsunod sa Republic Act No. 9510, o ang Credit Information System Act, at ang Implementing Rules and Regulations (IRR) nito, na nagbigay daan sa pagkakatatag ng Credit Information Corporation (CIC), nais naming ipagbigay alam na mandato kaming isumite ang mga pangunahing impormasyon tungkol sa iyong pagkakautang, gaya ng pagkakahulugan nito sa ilalim ng nasabing batas at IRR nito, gayundin ang anumang pagbabago o pagwawasto sa nasabing impormasyon, sa CIC para sa konsolidasyon at paghahayag nito nang naayon sa pagpapahintulot ng CIC.

Kung gayon, ang mga pangunahing impormasyon hinggil sa inyong pagkakautang ay maaaring ipamahagi sa ibang nagpapautang na may pahintulot ng CIC at iba pang ahensya na may mandato at akreditasyon mula sa CIC na magsumite ng mga impormasyon hinggil sa mga pagkakautang para sa layuning matasa ang iyong kakayahang mangutang.

Para sa karagdagang impormasyon, makipag-ugnayan sa Alalay sa Kaunlaran Microfinance Social Development, Inc. (ASKI) o bisitahin ang aming website www.aski.com.ph.

VII. Personal Data retention

Ang iyong personal na impormasyon ay mananatili sa ASKI sa loob ng sampung taon (10 years) mula sa termination ng iyong serbisyo sa ASKI, maliban na lamang kung may mandato ang batas na i-retain ito pagkatapos ng nasabing taon.

VIII. Use of Cookies

Ang ACredit app ay gumagamit ng cookies upang ikaw ay maka -access sa ACredit app. Pakatandaan, kung idi-disable mo ang lahat ng aming cookies sa setting ng iyong browser, maaaring hindi gumana ang ilan sa mga feature ng ACredit app.

IX. Changes of Terms and Conditions

Maaaring i-update ng ASKI ang terms and conditions na ito para sa ikabubuti ng ASKI at users nito.

X. ACredit app user’s acknowledgement

Sa pamamagitan ng aking pagreregister sa ACredit app, aking pinatutunayan na ako ay sumasang-ayon sa lahat ng nakasaad sa kasunduan na ito at ang anumang katanungan patungkol sa pangangalaga ng ASKI sa aking personal na impormasyon ay aking malinaw na naintindihan.

"“Aking ring kinikilala at pinapahintulutan ang mga sumusunod:

(1) ang madalas na pagsusumite at paghahayag ng mga pangunahing impormasyon hinggil sa aking pagkakautang (gaya ng pagkakahulugan nito sa ilalim ng Republic Act No. 9510, o ang Credit Information System Act, at ang Implementing Rules and Regulations nito) sa Credit Information Corporation (CIC), gayundin ang anumang pagbabago o pagwawasto sa nasabing impormasyon; at

(2) ang pamamahagi ng mga pangunahing impormasyon hinggil sa aking pagkakautang sa ibang nagpapautang, nang naayon sa pahintulot na ibinigay ng CIC at iba pang ahensyang may mandato at akreditasyon mula sa CIC na magsumite ng mga impormasyon hinggil sa mga pagkakautang; at para sa natatanging layuning matasa ang aking kakayahang mangutang.”

Ako ay malayang makipag-ugnayan sa ASKI sa pamamagitan ng pagpapadala ng email sa dpo.aski@gmail.com o tumawag sa 0932-845-1897; 0945-453-1249 mula 8:00 ng umaga hanggang 5:00 ng hapon mula Lunes hanggang Biyernes.